ការិយាល័យព័ត៌មាន(បុគ្គលិកប្រចាំការ)ទូរស័ព្ទ 092 464 205
គេហទំព័រ ផែនដីថ្មី ត្រូវការជ្រើសរើសបុគ្គលិកផ្នែកយកព័ត៌មានសរុបចំនួន២០០នាក់ នៅតាមខណ្ឌ ក្រុង និងស្រុក ដោយទទួលបានប្រាក់ខែតាមទំហំការងារ។
មណ្ឌលគិរី៖ សត្វទន្សោងពីរក្បាលជាសត្វព្រៃកម្រនៅក្នុងប្រទេសកម្ពុជា តែត្រូវបានគេប្រទះឃេីញងាប់ ក្នុងបរិវេណដីក្រុមហ៊ុន លឹមរ៉ូយ៉ាល់ ដែលមានទីតាំង នៅឃុំពូជ្រៃ ស្រុកពេជ្រាដា ខេត្តមណ្ឌលគិរី កាលពីថ្ងៃទី១៣ ខែឧសភា ឆ្នាំ២០២០កាលពីថ្មីៗនេះ។
តាមការបញ្ជាក់ របស់លោក អ៊ុំ វណ្ណសុភៈ ជានាយខ័ណ្ឌរដ្ឋបាលព្រៃឈេីខេត្តមណ្ឌលគិរី បានឱ្យដឹងថា ៖ ក្រុមហ៊ុនលឹម រ៉ូយ៉ាល់ បានរាយការណ៍ថា មានសត្វទន្សោងងាប់នៅក្នុងដីក្រុមហ៊ុន របស់ខ្លួន ទើបក្រុមការងារខ័ណ្ឌរដ្ឋបាលព្រៃឈេី បានចុះទៅពិនិត្យដល់ទីតាំងកើតហេតុ និងសហការជាមួយក្រុមហ៊ុន លឹម រ៉ូយ៉ាល់ ។ នៅពេលរពិនិត្យជាក់ស្តែងនៅនឹងកន្លែងកើតក្រុមការងារបានឃើញថា សត្វទន្សោងញីចំនួន២ក្បាល បានងាប់មានសភាពហើមស្អុយ ប្រហែលជាងាប់៣ទៅ ៤ថ្ងៃមកហើយ សត្វទន្សោងដែលងាប់នេះ ត្រូវបានជនមិនស្គាល់មុខបាញ់នៅក្នុងព្រៃការពារភ្នំព្រេច ហើយសត្វទន្សោងនោះបានរត់មកងាប់នៅក្នុងដីក្រុមហ៊ុនចំងាយពីផ្លូវធំប្រហែល៣០ម៉ែត្រ។ បច្ចុប្បន្នក្រុមការងារបានធ្វើការកប់សពសត្វទន្សោងនៅនឹងកន្លែងកើតហេតុតែម្តង។
ទោះបីជាយ៉ាងណាក៏ដោយ លោក កែវ សុភក៌ ប្រធានមន្ទីរបរិស្ថានខេត្តមណ្ឌលគិរី សំដែងការសោកស្ដាយយ៉ាងខ្លាំង ចំពោះការបាត់បង់ប្រភេទសត្វដ៏កម្របែបនេះ ។ ហើយលោកបន្តថា៖ បានចាត់មន្រ្តីជំនាញចុះធ្វេីការស្រាវជ្រាវ ករណីបាញ់សត្វទន្សោងនេះហេីយ ដេីម្បីវែកមុខរកជនដែលប្រព្តឹតខុសច្បាប់។
សូមបញ្ជាក់ថា៖ មួយរយៈនេះក្រុមព្រានព្រៃ ជំនាញខាងបរបាញ់សត្វ ឈានដល់ប្រើកាំភ្លើងកែច្នៃ ប្រើគ្រាប់ជាតិគីមី បាញ់ពេលថ្ងៃ ហើយរក្សាទុកសត្វងាប់ក្នុងព្រៃ ដោយមិនអោយខូចសាច់ លុះពេលយប់ទើបពួកគេចូលទៅយក ដើម្បីបញ្ចៀសពីការចាប់ខ្លួនពីក្រុមសមត្ថកិច្ចជំនាញ ។ ដូច្នេះករណី សត្វទន្សោងពីរក្បាលត្រូវគេបាញ់ងាប់ ក្នុងក្រុមហ៊ុន លឹម រ៉ូយ៉ាល់ នៅខេត្តមណ្ឌលគិរី គួរបន្តស្រាវជ្រាវអោយបានដិតដល់ ថា តើត្រូវបានគេបាញ់នៅខាងក្រៅ ហើយរត់មកងាប់ក្នុងដីក្រុមហ៊ុន ឬមួយក៏បុគ្គលិកក្រុមហ៊ុននេះជាបាញ់..? ខណៈក្រុមហ៊ុន លឹម រ៉ូយ៉ាល់ នេះកន្លងមកធ្លាប់កាប់ឈើពីខាងក្រៅក្រុមហ៊ុន មកដាក់ចូលក្រុមហ៊ុនផងដែរ៕
