📍គេហទំព័រ ផែនដីថ្មី |WPDTNews.com.kh ជំនួយការ ☎️Tel/tegram(855) 12 296 494 #WPDTបានពឹងអ្នកច្បាប់ច្រើនរូបត្រៀមក្នុងករណីចាំបាច់ #មិត្តអ្នកសារព័ត៌មានជួបបញ្ហា☎️WPDTមិត្តជួយមិត្
ស្វាយរៀង៖កម្លាំងគណៈបញ្ជាការឯកភាពរដ្ឋបាលក្រុងបាវិត និងកម្លាំងស្នងការនគរបាលខេត្តស្វាយរៀង បានចូលរួមសហការជាមួយនាយកដ្ឋានចារកម្ម នៃអគ្គស្នងការដ្ឋាននគរបាលជាតិ ដោយមានការសម្របសម្រួលនីតិវិធីពីលោក ចាន់ វណ្ណៈ ព្រះរាជអាជ្ញារង នៃអយ្យការអមសាលាដំបូងខេត្ត នាថ្ងៃទី១៧ ខែមិថុនា ឆ្នាំ២០២៦ បានចុះត្រួតពិនិត្យទីតាំងសង្ស័យលួចលាក់ប្រព្រឹត្តសកម្មភាពឆបោកតាមប្រព័ន្ធបច្ចេកវិទ្យា នៅកាស៊ីណូ ហ្គោដ ឡាក់ ចំនួន ៣អគារ ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ។
សមាសភាពអញ្ជើញចូលរួមមាន ៖ លោកអនុប្រធាននាយកដ្ឋានចារកម្ម លោកស្នងការរងនគរបាលខេត្ត លោកអភិបាលរងក្រុង លោកអធិការ អធិការរងនគរបាលក្រុង លោកនាយករងរដ្ឋបាលក្រុង និងលោកនាយផ្នែក នៃនាយកដ្ឋានចារកម្ម ។
ជាលទ្ធផល ក្រុមការងារបានរកឃើញ ជនបរទេសសរុបចំនួន ១៦៩នាក់ (ស្រី៥៦នាក់) ក្នុងនោះ ជនជាតិវៀតណាមចំនួន ៦៨នាក់ (ស្រី ៣៧នាក់) ជនជាតិចិនចំនួន ៨៥នាក់ (ស្រី ១៥នាក់) ជនជាតិឡាវ ៤នាក់, កូរ៉េ ៤នាក់ (រកឃើញ ២នាក់ មាននិវេទន៍ក្រហមរបស់ស្ថាប័នអាំងទែរប៉ូល Interpol ប្រកាសស្វែងរកចាប់ខ្លួន) ម៉ាឡេស៊ី (ស្រី ១នាក់) នេប៉ាល់ចំនួន ៣នាក់។ ក្នុងនោះ ជនជាតិកូរ៉េ ២នាក់ (រកឃើញ ២នាក់ មាននិវេទន៍ក្រហម) ត្រូវបានបញ្ជូនទៅនាយកដ្ឋានចារកម្ម នៃអគ្គស្នងការដ្ឋាននគរបាលជាតិ ដើម្បីអនុវត្តនីតិវិធីបន្ត ។
ដោយឡែក ចំពោះជនជាតិវៀតណាម ១៩នាក់ (ស្រី ៨នាក់) ដែលពាក់ព័ន្ធករណីប្រើប្រាស់សារធាតុញៀនខុសច្បាប់ និងជនជាតិចិន ១នាក់ ពុំមានលិខិតឆ្លងដែន បានបញ្ជូនទៅអធិការដ្ឋាននគរបាលក្រុង ដើម្បីសួរនាំ និងអនុវត្តនីតិវិធីបន្ត ៕
