ការិយាល័យព័ត៌មាន(បុគ្គលិកប្រចាំការ)ទូរស័ព្ទ 092 464 205
គេហទំព័រ ផែនដីថ្មី ត្រូវការជ្រើសរើសបុគ្គលិកផ្នែកយកព័ត៌មានសរុបចំនួន២០០នាក់ នៅតាមខណ្ឌ ក្រុង និងស្រុក ដោយទទួលបានប្រាក់ខែតាមទំហំការងារ។
កំពង់ស្ពឺ៖តាមប្រភពបានឲ្យដឹងថា មួយរយៈកន្លងទៅនេះសមត្ថកិច្ចចម្រុះក្នុងខេត្តកំពង់ស្ពឺ បានចាត់វិធានការបង្ក្រាបបទល្មើសព្រៃឈើក្នុងឃុំសង្កែសាទប និងឃុំតាសាល ស្រុកឱរ៉ាល់ ជាបន្តបន្ទាប់ ក៏ប៉ុន្តែអ្វីដែលធ្វើឲ្យមជ្ឈដ្ឋាននានាគ្មានជំនឿលើសមត្ថកិច្ចក្នុងការបង្ក្រាបបទល្មើសព្រៃឈើនោះ គឺឈ្មួញម្ចាស់ឈើម្ចាស់រថយន្តដឹកជញ្ជូនឈើតែងគេចផុតពីវិធានការផ្លូវច្បាប់ ហើយសមត្ថកិច្ចបានត្រឹមរឹបអូសយកឈើជាវត្ថុតាងទៅរក្សាទុកប៉ុណ្ណោះ។
ហើយអ្វីដែលហួសចិត្តឈ្មួញឈ្មោះ ជឿង ថេង មន្ត្រីយោធាភូមិភាគ៣ ដែលល្បីល្បាញខាងដឹកជញ្ជូនឈើខុសច្បាប់ ក៏ដូចជាឈ្មួញឈ្មោះ អាំ សុម៉ាលី និងប្តីឈ្មោះ ហៀប ដែលល្បីល្បាញខាងដឹកជញ្ជូនឈើខុសច្បាប់នៅតែអាចគេចផុតពីសំណាញ់ច្បាប់យ៉ាងសុខស្រួល។
ប្រភពពីប្រជាពលរដ្ឋក្នុងឃុំសង្កែសាទប និងឃុំតាសាល ស្រុកឱរ៉ាល់ ខេត្តកំពង់ស្ពឺ បានលើកឡើងថា ប្រសិនបើគ្មានការឃុបឃិតបើកដៃពីសំណាក់មន្ត្រីបរិស្ថាន មន្ត្រីរដ្ឋបាលព្រៃឈើនិងសមត្ថកិច្ចពាក់ព័ន្ធទេនោះ គឺឈ្មួញឈ្មោះ ជឿង ថេង និងឈ្មួញឈ្មោះ អាំ សុម៉ាលី មិនអាចប្រព្រឹត្តបទល្មើសព្រៃឈើយ៉ាងពេញបន្ទុកបានឡើយ។
ប្រជាពលរដ្ឋបានលើកឡើងទៀតថា ការបង្ក្រាបបទល្មើសព្រៃឈើជាបន្តបន្ទាប់ក្នុងស្រុកឱរ៉ាល់ គឺបានត្រឹមតែធ្វើឲ្យល្អមើលព្រោះឈ្មួញដែលសមត្ថកិច្ចបានស្គាល់អត្តសញ្ញាណយ៉ាងច្បាស់ទៅ ហើយនោះបែរជាអាចគេចផុតពីសំណាញ់ច្បាប់យ៉ាងរលូនទៅវិញ។
តាមការបង្ហើបពីប្រភពមួយចំនួនបានឲ្យដឹងថា មេឈ្មួញ ជឿង ថេង មន្ត្រីយោធាភូមិភាគ៣ ក៏ដូចជាឈ្មួញឈ្មោះ អាំ សុម៉ាលី និងប្តីឈ្មោះ ហៀប អាចគេចផុតពីសំណាញ់ច្បាប់ គឺដោយសារពួកគេមានខ្នងបង្អែករឹងមាំ។ ដូច្នេះហើយទើបវិធានការរបស់លោក វុី សំណាង អភិបាលខេត្តកំពង់ស្ពឺ ក្នុងការបង្ក្រាបបទល្មើសព្រៃឈើក្លាយទៅជារឿងឥតន័យ ព្រោះបទល្មើសព្រៃឈើក្នុងស្រុកឱរ៉ាល់ ខេត្តកំពង់ស្ពឺ នៅតែបន្តកើតឡើងយ៉ាងគំហុក។ ជាងនេះទៅទៀតលោក ឈៀង តុលា ប្រធានមន្ទីរកសិកម្មខេត្តកំពង់ស្ពឺ និងលោក ផល មុនី នាយខណ្ឌរដ្ឋបាលព្រៃឈើខេត្តកំពង់ស្ពឺ ត្រូវបានប្រភពខ្លះបង្ហើបឲ្យដឹងថា ជាបង្អែករឹងមាំរបស់ក្រុមឈ្មួញដឹកជញ្ជូនឈើខុសច្បាប់ក្នុងខេត្តកំពង់ស្ពឺ។
សូមរំលឹកថា ឈ្មោះ ជឿង ថេង នេះតែងតែដឹកឈើគ្មានច្បាប់អនុញ្ញាតិនោះទេ ហើយក៌ធ្លាប់ត្រូវសមត្ថកិច្ច បានធ្ចើការបង្ក្រាបជាច្រើនដងរួចមកហើយក៏នៅតែអាចយករួចខ្លួនដ៏ដែល និងហ៊ានបន្តរកស៊ីដឹកជញ្ជូនឈើ ផ្គើនសមត្ថកិច្ចបានរហូត ដូចនៅថ្ងៃទី១០ ខែកក្កដា ឆ្នាំ២០២០ លោកព្រះរាជអាជ្ញារងអមសាលាដំបូងខេត្ដកំពង់ស្ពឺ បានដឹកនាំកំលាំងសមត្ថកិច្ច ចុះចាក់សោររបង របស់លោកជឿង ថេង រូបនេះ ពាក់ពន្ធ័ និងរឿងផ្ទុះអាវុធជាច្រើនគ្រាប់ និង មុខជំនួញឈើ ដ៏ធំរបស់គាត់ផងដែរ។ ហើយលោក ជឿង ថេង នៅតែមិនមានអ្វីកើតឡើង រិទ្ធតែហ៊ានពង្រីកបុខរបរដឹកជញ្ជូនឈើរបស់ខ្លួនកាន់តែធំកាន់តែខ្លាំងបន្ថែមទៀត ។
តាមប្រភពពីសមត្ថកិច្ចដែលចុះបង្ក្រាប សូមមិនបញ្ចេញឈ្មោះ បានបង្ហើបអោយដឹងថា ឈ្មោះជឿង ថេង នេះជាមន្ត្រីយោធាយុទ្ធភូមិភាគទី៣ ដែលជាឈ្មួញឈើដ៏មហិមា ឈ្មួញឈើរូបនេះកន្លងមកធ្លាប់ត្រូវបាន សមត្ថកិច្ចចាប់ខ្លួនបញ្ជូនទៅតុលាការ ហើយក៏ត្រូវបានតុលាការ ធ្វើការចោទប្រកាន់ ដាក់ពន្ធធានាគា បានមួយរយៈ ដោយសារតែរឿងជំនួញឈើ និងដឹកឈើធ្វើអោយបាកស្ពានរបស់រដ្ឋផងដែរ។
ជាក់ស្តែង នៅខែកក្កដា ឆ្នាំ២០២០ កម្លាំងអធិការ នៃអធិការដ្ឋាននគរបាលស្រុកឱរ៉ាល់ដឹកនាំដោយ លោក ប៊ុត ប៊ុនធឿន និងលោកវីរៈសេនីយ៍ឯក ម៉ួន លាង នាយការិយាល័យសន្តិសុខនៃស្នងការនគរបាលខេត្តកំពង់ស្ពឺ ក្រោមការចង្អុលបង្ហាញពី លោក សំ សាមួន ស្នងការនៃស្នងការដ្ឋាននគរបាលខេត្ដកំពង់ស្ពឺបានបញ្ជាឲ្យកម្លាំងចុះបង្ក្រាបបទល្មើសជាក់ស្តែងនៅ ត្រង់ចំណុចចំការស្វាយចន្ទី ស្ថិតនៅភូមិដំបងវេញ ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ ចន្លោះគីឡូម៉ែត្រ៥៤-៥៥ កម្លាំងជំនាញរបស់អធិការដ្ឋាននគរបាលស្រុកឱរ៉ាល់ បានរុករកកន្លែងស្តុកឈើមួយកន្លែង ដែលស្ថិតនៅភូមិឃុំកើតហេតុខាងលើដែលឈ្មួញកំពង់លើកត្រៀមដឹកជញ្ជូនតាមរថយន្តវ៉េអងកុងត័រន័របំណងយកចេញទៅក្រៅ ដោយសារមានការយកចិត្តទុកដាក់របស់លោកប៊ុត ប៊ុនធឿន បានដាក់ភ្នាក់ងារសម្ងាត់តាមប្រម៉ាញ់ទើបឈានដល់ការទប់ស្កាត់សកម្មភាពបែបនេះបាន ។
ក្រោយពីរកម្លាំងភ្នាក់ងារបានផ្តល់ពត៌មានអោយ ភ្លាមៗ កម្លាំងបានធ្វើការលោមព័ន្ធទីតាំងកំពុងប្រព្រឹត្តបទល្មើសចល័តដឹកឈើយ៉ាងអនាធិបតេយ្យបានសម្រេច ក្រោយពីរធ្វើការបង្ក្រាបរួចមកបានដកហូតសម្ភារះនិងវត្ថុដូចខាងក្រោមះ
១/ឃាត់រថយន្តពណ៌ត្រេអ៉ីពាក់ស្លាកលេខ ខ.ម ចំនួន០២ គ្រឿង(ដូចរូបក្នុងរូបភាព)
២/ រថយន្តវ៉េអងសណ្តោងរ៉ឺម៉កដាក់កុងត័ន័រផ្ទុកឈើ ចំនួន០១ គ្រឿង
៣/ អេសកាវ៉ាទ័រសំរាប់លើកឈើចំនួន០១គ្រឿង និង
៤/ឈើប្រភេទ ឈ្លីកចំនួន១៦១ កំណាត់។
៥/ម៉ូតូ១គ្រឿងម៉ាកវ៉េវអាល់ហ្វាពណ៍ខៀវ។
ចំណែកឯពួកជនប្រព្រឹត្តបទល្មើសពេលនោះបានរត់គេចខ្លួន ក្រោយពីរការបង្ក្រាបកម្លាំងអធិការដ្ឋាននគរបាលស្រុកឱរ៉ាល់ បានប្រគល់សម្ភារះនិងវត្ថុខាងលើជូនទៅការិយាល័យដែនជម្រកសត្វព្រៃបរិស្ថានស្រុកឱរ៉ាល់ ដោះស្រាយតាមនិតិវិធីច្បាប់ ប៉ុន្តែមកដល់ពេលនេះ មន្ត្រីយោធាភូមិភាគ៣ ឈ្មោះ ជឿង ថេង ដែលជាឈ្មួញឈើធំនៅក្នុងខេត្តកំពង់ស្ពឺ បានគេចផុតពីសំណាញ់ច្បាប់យ៉ាងសុខស្រួល ដោយមានការឃុបឃិតជាប្រព័ន្ធ និងធ្វើអោយឈ្មោះនេះអាចបន្តមុខរបចាស់បានដដែល៕
