លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងលោកជូ កុល្លា ប្រធានមន្ទីរសាធារណការ និងដឹកជញ្ជូនខេត្តកំពង់ធំ
ការិយាល័យព័ត៌មាន(បុគ្គលិកប្រចាំការ)ទូរស័ព្ទ 092 464 205
គេហទំព័រ ផែនដីថ្មី ត្រូវការជ្រើសរើសបុគ្គលិកផ្នែកយកព័ត៌មានសរុបចំនួន២០០នាក់ នៅតាមខណ្ឌ ក្រុង និងស្រុក ដោយទទួលបានប្រាក់ខែតាមទំហំការងារ។
កំពង់ធំ៖ ករណីរថយន្តធុនយក្ស ចំនួនពីរគ្រឿង ដែលតែងតែគេចវេសជញ្ជីងថ្លឹងរថយន្ត ផ្លូវជាតិលេខ៦ ឃុំប្រាសាទ ស្រុកសន្ទុក ដែលមានលោក ផន ម៉ៅ ជាប្រធានស្ថានីយ និងជាមនុស្សជំនិតរបស់លោកជូ កុល្លា ប្រធានមន្ទីរសាធារណការ និងដឹកជញ្ជូនខេត្តកំពង់ធំ តាមរយះឃុបឃិតជាមួយមេជញញជីង និងមន្ត្រីជញ្ជីងជាថ្នូ និងការបង់លុយចំនួន ១៥០ ០០០ រៀល ក្នុងពេលបើកឆ្លងកាត់ជញ្ជីងថ្លឹងឡានម្ដងៗនោះ ហើយត្រូវបានសមត្ថកិច្ច នៃកងរាជហត្ថខេត្តកំពង់ធំ ដឹកនាំបញ្ជាផ្ទាល់ដោយលោកសាយ វាសនា ព្រះរាជអាជ្ញារងសាលាដំបូងខេត្ត ធ្វើការបង្ក្រាបបាននៅព្រឹកថ្ងៃទី ១៥ ខែសីហា ឆ្នាំ ២០២០ ស្ថិតនៅភូមិវាំង ឃុំតាំងក្រសាំង ស្រុកសន្ទុក ខេត្តកំពង់ធំ បាននាំអោយមានការចាប់អារម្មណ៏យ៉ាងខ្លាំងពីមហាជន។
ទាក់ទងករណីខាងលើ មហាជនចង់ឃើញថ្នាក់ដឹកនាំអង្គភាពប្រឆាំងអំពើពុករលួយ ACU និងលោកទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន រួមនិងលោក សុខ លូ អភិបាលខេត្តកំពង់ធំ មានវិធានការផ្លូវច្បាប់លើលោក ផន ម៉ៅ ជាប្រធានស្ថានីយ និងលោកជូ កុល្លា ប្រធានមន្ទីរសាធារណការ និងដឹកជញ្ជូនខេត្តកំពង់ធំ ដែលជាអ្នកពាក់ព័ន្ធក្នុងរឿងអំពើពុករលួយ និងបើកដៃអោយឈ្មួញដឹកទំនិញលើសចំណុះបំផ្លាញផ្លូវជាតិដ៏មហន្តរាយនោះ។ ហើយបើបណ្ដែតបណ្ដោយទៅទៀត ក្រុមមន្ត្រីទាំងនេះ និងជិះសេះលែងដៃកាន់តែខ្លាំង។
សូមបញ្ជាក់ថា លោកសាយ វាសនា ព្រះរាជអាជ្ញារងសាលាដំបូងខេត្តកំពង់ធំ បានដឹកនាំកម្លាំងកងរាជអាវុធហត្ថខេត្តកំពង់ធំ ចុះស្ទាក់ចាប់ រថយន្តចំនួនពីរគ្រឿងជារថយន្តធុនធំ វេអងដែលបានដឹកខ្សាច់លើសទម្ងន់ នឹងពាក់ស្លាកលេខលែងក្លាយ គេចវេសជញ្ជីង ក្រោមការបញ្ជាផ្ទាល់ របស់លោក ស៊ិន វិរៈ ព្រះរាជអាជ្ញា អយ្យការអមសាលាដំបូងខេត្តកំពង់ធំ។
តាមការបញ្ជាក់ឲ្យដឹងថា បន្ទាប់ពីមានសារព័ត៌មាន ក្នុងស្រុកបានធ្វើការផ្សព្វផ្សាយពាក់ព័ន្ធទៅនឹងជញ្ជីង នៅឃុំប្រាសាទ ស្រុកសន្ទុក ខេត្តកំពង់ធំ នៅតាមបណ្ដោយផ្លូវជាតិលេខ ៦ មានការឃុបឃិតគ្នា ជាមួយ និងម្ចាស់រថយន្តដឹកខ្សាច់ប្រភេទវេអង ក្នុងមួយយប់ពី៣០ ទៅ៤០ ឡាន ដោយដឹកចេញពីស្រុកស្ទឹងត្រង់ ខេត្តកំពង់ចាម.ឆ្លងកាត់ជញ្ជីងថ្លឹងរថយន្តដោយបង់លុយ ១៥ ម៉ឺនរៀលក្នុងមួយឡាន ហើយឆ្ពោះទៅខេត្តសៀមរាប ដើម្បីដាក់នៅព្រលានយន្តហោះថ្មី ក្រោយមកក្រុមបំផ្លិចបំផ្លាញ ផ្លូវថ្នល់ ដែលជាទ្រព្យសម្បត្តិរបស់ជាតិបានប្រើល្បិច ឱ្យរថយន្តធុនយក្សទាំងនេះ បើកគេចវេសជញ្ជីង។
តៃកុងរថយន្តវេអងដឹកខ្សាច់ ឈ្មោះអៀង វិល័យ រស់នៅភូមិថ្នល់បែកកើត ឃុំស្វាទៀប ស្រុកចំការលើ.ខេត្តកំពង់ចាម បានអះអាងថា រាល់ពេលរថយន្តរបស់លោក បើកមកដល់ជញ្ជីង គឺមិនបាច់ចូលថ្លឹងនោះទេ គឺបង់តែ១៥ម៉ឺនរៀលទៅអោយមន្ត្រីជញ្ជីងដែលជាកូនចៅរបស់លោក ផន ម៉ៅ ជាការស្រេច ហើយរថយន្តរបស់លោក ២គ្រឿងពាក់ស្លាកលេខដូចគ្នា 3A¬6578 ដោយមួយគ្រឿងមានពន្ឋ មួយគ្រឿង ទៀតអត់មានពន្ឋដោយសាររថយន្ត កាត់តកែច្នៃពី៥តោនមកវេអង។
លោក សាយ វាសនា ព្រះរាជអាជ្ញារង បានបញ្ជាក់ថា រថយន្តទាំង ២ គ្រឿងត្រូវបាននាំត្រឡប់ទៅទីតាំងជញ្ជីងថ្លឹងរថយន្ត ហើយនិងបញ្ជូនទៅ ទីបញ្ជាការកងរាជអាវុធហត្ថខេត្តកំពង់ធំ ដើម្បីចាត់ការតាមផ្លូវច្បាប់តាមនីតិវិធី។
ប្រជាពលរដ្ឋនៅក្នុងខេត្តកំពង់ធំ បានអបអរសាទរ ចំពោះចំណាត់ការ របស់លោក ស៊ិន វិរៈ ព្រះរាជអាជ្ញានៃអយ្យការអម សាលាដំបូង ខេត្តកំពង់ធំ និង លោក សុខលូអភិបាលខេត្តកំពង់ធំ ប្រធានគណៈ បញ្ជាការឯកភាព រដ្ឋបាល ខេត្តកំពង់ធំ រួមចំណែកលោក សាយ វាសនាព្រះរាជអាជ្ញារង និងកម្លាំងកងរាជអាវុធហត្ថខេត្តកំពង់ធំ ដែលបានបង្រ្កាបទប់ស្កាត់ការដឹកលើសទម្ងន់ ដែលបណ្ដាលឲ្យមានការខូចខាតផ្លូវថ្នល់ ដែលជាទ្រព្យសម្បត្តិរបស់ជាតិ។
មហាជនបានអំពាវនាវ សូមដល់អង្គភាពប្រឆាំងអំពើពុករលួយ ACU និងលោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន រួមនិងលោក សុខ លូ អភិបាលខេត្តកំពង់ធំ មេត្តាមានវិធានការផ្លូវច្បាប់លើលោក ផន ម៉ៅ ជាប្រធានស្ថានីយ និងលោកជូ កុល្លា ប្រធានមន្ទីរសាធារណការ និងដឹកជញ្ជូនខេត្តកំពង់ធំ។ ព្រោះអ្នកទាំង២រូប ជាអ្នកពាក់ព័ន្ធធំ ក្នុងរឿងអំពើពុករលួយ តាមរយៈការបើកដៃអោយឈ្មួញដឹកទំនិញលើសចំណុះ បំផ្លាញផ្លូវជាតិ ដ៏មហន្តរាយ និង ដើម្បីព្រមានដល់មន្ត្រីខិលខូចដទៃទៀត៕
